A glimpse at the nursing education system in the United Kingdom. With special reference to the Sheffield School of Nursing.

Die Sheffield-verpleegskool is een van die grootste in Engeland met meer as ’n 1 000 studente op 25 verskillende basiese en naregistrasie kursusse. Die klem val op die kliniese aspek en verbeterde, totale en geindividualiseerde pasiëntsorg. Onderrig in die kliniese situasie is dan ook ’n belangrike deel van die opleiding. ’n Geintegreerde benadering tot kurrikulumontwikkeling en -implementering word ook gevolg. Die algemene ontwikkeling van die leerder is ’n verdere belangrike aspek. Strategieë soos die dra van gewone klere vir lesings, aktiewe raadgewing en dat stu­ dente verantwoordelikheid vir hulle eie leer moet aanvaar word gebruik. Die akademiese personeel is fisies en administratief onafhanklik van dienspersoneel. Samewerking in die aanbieding van verpleegopleiding word egter op verskeie wyses verseker. Suid-Afrikaanse verpleegkundiges kan hier baie leer. Anomalië in verpleegonderwys in Engeland is egter verdeelde beheer oor verpleegonderwys, ’n tekort aan dosente en verswakte solidariteit in die beroep deurdat studenten opgeleide verpleegkundiges aan verskillende vakbonde behoort.